Myanmar Election hrangah Internet le Email hmangdan an Zirh

Myanmar rampi hrilawnak hrangah timlamnak nei in ခရိုင် pali ih Union Election Commission hnaṭuan bawm tu ding pawl cu internet le email hmangdan zirhnak an nei.

Hih zirknak cu Union Election Commission tawlrelnak in tuah mi a siih International IDEA Myanmar le Myanmar Computer Company (MCC) komaw ih zirh mi a si.

Tufangah Meiktila khua ah zirhnak an nei rero lai ih himi zirhaw nakih ṭuanvo neitu Daw Khain Chu Han cun “Union Election Commission bawm dingin MCC le IDEA in khua 330 ih UEC ṭuanvo neitu pawl hnen ah internet le email hmang dan zirh dingin ṭuanvo kan lak.”

Tu ah, Meiktila ခရိုင် ah zirhnak kan nei rero ih khua ṭhen khat ih UEC bawmtu ding mi ṭhenkhat khal hinah an rak zir ve cih. Hih hmun ih zirtu khal an um ih an umnak khua rori ah feh in va zirh ṭul nak hmun khal a um. Tufang cu ခရိုင် pathum ih mipum 12 pawl kan zirh rero. Rampi hrilawnak tluang thei dingin Cyber Security lam khal kan zirh phah a si” tiah The Voice media hnen ah a sim.

Kum 5 ah voi 1 tuah a simi Myanmar rampi hril awnak cu November 8, 2020 ah tuah ding a siih, tu ah, rampi ṭuanvo neitu pawl in a ṭha thei bik le buainak umloten hrilawnak cang suak thei dingin hmalaknak an nei rero a si.

Leave a Reply

Your email address will not be published. Required fields are marked *