Myanmar : Covid 19 nat darh cak zia thei cingin Mibur in an um

Myanmar ramsung Covid 19 nat darh cak zia thei cing in Dagon, Central National Laboratory hmai ah Covid 19 nat nei maw/neilo check dingin mibur in an bawh.

Abawhtu tamsawn cu ramdang/ramleng um mi an siih mah le umnak ram cio tlung ding cun, Covid 19 nei maw/nei lo theihpinak ca lak hmasa a ṭul ruangah tuvek in nat check tum in an bawh nak san a si.

Tufang, Myanmar rampi dinhmun ṭhalo thawn, Central National Laboratory hmai ih mibur um cu mipi in nasa zetin an sawisel ih Covid 19 nat karhzaitertu an si titiang in puhmawhawnak a um.

Hih hmun ah Ting 2 kyat cem in Covid 19 check theih a siih test nak nei duhtu tamtuk ruangah le Sii lam thaimsang deih aw lo ruangah hnaṭuantu pawl in harsat an tong.

Tudinhmun ah Myanmar ramsung Covid 19 mina hmuhsuah zo mi 9112 an um ih mithi 174 le damsal 2517 an um a si. (OneMedia)

Leave a Reply

Your email address will not be published. Required fields are marked *