Myanmar Bermuda Triangle ti`h an koh mi ‘Lake of No Return’ Tivapi

Bermuda Triangle thuanthu hi kan thei tlang cio ding zum a um ih, North Atlantic Tipi thuanthum ih um mi a si.

Cuih hmun tantu Lawng tamzet le a zawn ih zam mi Vanzam tamzet hlo nak hmun a siih Devil Triangle lole Hurricane Alley tin khal an ko.

Cuvek deuh nawn, mangbangza tivapi Myanmar ram in kan nei ve. Cumi tiva cu “Lake of No Return (Kirsaalnak/daan um lo mi Tivapi)” tin an ko.

India-Myanmar ramri, Naga pawl umnak, Myanmar ramṭhen ih um mi tivapi a siih a kiangkap ih um khua mi pawl cun Naung Yang tin an ko.

Tivapi cu Leitlun ralpi voihnihnak ah hriamhrei ralthuam phur nak ding ziin sial mi “Ledo Road” thawn peng khat le hrek hrawng a hlataw ih cuih tiva tlun ih zam mi mirang Vanzam tamzet a siat ih tiva sung ah a tlak ti`n hminsinnak cabu sungah a um.

Tivapi kiangkap ah thilmak danglamcuang a suak thei zet ih Japan ralkap hmun khuar in an um ṭum ah vansiatnak maksak an tong.

Japan ralkap pawl cu raldo nakah cak lo in an tlan thluh ih ziin an hlo ruangah tivapi kap ah riahbuk an khuar. Danglam zetin zaan hnihkhat an riak sung ah Malaria naknak thawn an damlo thluh ih caan tawite sungah an zaten an thi thluh.

Lake of No Return tivapi ih thilmak danglam a suak mi thuthang cu Mirang pawl in an rak theive ih zingzoinak nei dingin ralkap ṭhenkhat an thlah nan an zaten an thi thluh ve.

1942 kum khal ah Britist ralkap pawl, hih hmun ah an hlo ṭheh ti`n Lake of No Return thawn pehpar mi thuanthu ngantu Brendan I. Koerner in, kum 2008 ih cabu a suah mi sung ah a telh ih “hih hmun ah Israel hnamhlo ṭhenkhat pawl an relh” ti`n a ngan.

Lake of No Return tivapi kiangkap ih Khua tohtu pawl cun Khuavang in a kil an tiih tivapi sungta nga pawl khal zohman in an kai ngam lo. An thuanthu khal ah Naung Yang tivapi cu Dragon thawn pehzomawknak a nei tin a um.

Lake of No Return tivapi cu India-Myanmar ramri, Pancau-Pass ah a um ih 1.4 km sau in 0.8 km a kau. Kawlram lam in a feh har deuh ruangah India ram lam in tourist pawl in an vehvai ṭheu ih India Bermuda Triangle tin khal an ko.

ref:Reddit,Wiki,TripAdvisor

Leave a Reply

Your email address will not be published. Required fields are marked *