Myaing Myone ah Mi 6 kah that an si

March 11, zinglam nazi 9 hrawng ah Magway ramṭhen, Myaing myo lamzawh duhphorh dingih pungkhawmaw mipi cu palik in an kap ih mi 6 thi in mi 10 lenglo in hliamhma an tuar.

“Zinglam nazi 9 hrawng ah an kap thok. Hmaisabik mipakhat cu a paang (serh tlunlam) ah an kap ih a thi cih ruangah mithi retnak ah an kuat cih. Mipakhat tla cu a lu a phel, a thluak khal a um lo. Cukhal cu mithi retnak ah an kuat cih” tiah Myaing myo ih um mipakhat in a sim.

Video na zoh theilo le hinah hmet …. link

Myaing Myo khualaili ah duhphorhnak nei dingin mipi an pungkhawm lai ah mipathum kaihkhih an siih mipi lam in thlah lohli dingin palik an biak lai ah meithal an kap puak thok hi a si.

Khuami pakhat cun “nazi 11 hrawng ah meithal an kap thok lala. Ruak pathum a thleng sal ih, cuhnu ah pakhat a thleng sal. Tuhrih tiangah mi 6 cu an thi ciang zo”.

“Meithal kappuaktu cu palik pawl an si. Mizaan lam ah lamzawh duhphorhnak nei lo dingin thuthannak an nei. Meithal kap dingin thupeknak a um zo tiah an sim. Myaing Myo ah hin kaihkhih tuar khal an um dah lo ih methal khal an kap puak dah lo. Atuhi voikhatnak a si” a ti.

Mithi pawl cu mipa hlir an siih khuasung um pahnih le khuate ih um mi 4 an si. Mipathum cu kum 35, 36, 31 mi an si ih adang pathum cu kum 30 tang mino an si. (Myanmar Now)

Leave a Reply

Your email address will not be published. Required fields are marked *