Mopuai zawhtum Chin/Kuki mino 2 That Tuar

April 24 ah Sagaing ramṭhen, Tamu peng, Myothit khua kiangah Kuki mino 2 thi cia in an ruak an sar tiah theih a si.

An pahnih in Teiyang khuami an si tiah theih a si ih, kum 20-25 hrawnghrang ih upa an si.

Rualpi pawl in nungdamin an hmu netabik cu April 23 ah a si ih bawlungsit ṭhehin Hpailin khua ah mopuai zawh dingin an poksuak tiah an sim.

April 24 zing ah, an feh tumnak hmun thlen hlan, Thanan le Myothit khua karlak ah thi cia in ruak an sar.

An ruak cu ziinpi thawn hlat tuk lo nak hmun ah an hmu ih, an pahnih in angki loin an um. An taksa pawl ah vuakvelhnak neh a um hlei ah ruak kiangah meithal ziandawngruak an hmu tiah an sim.

Mithattu hi zo an si ti theih a si lo ih miruang cu ambulance thawn an khua lam ah an phur tiah theih a si.

Leave a Reply

Your email address will not be published. Required fields are marked *