Monywa thawngtla pawl hrang an Don har

Monywa Thawnginnsung buainak ruangah a kiltu palik lawng siloin a hranten ralhraang ralkap pawl an kilter bet ruangah Thawngtla sungkhat naivai pawl don har in an um.

“Kandung, Kalaymyo Thawnginn buainak boruak ah thawngtla ziangmawzat an thi. Atuah Monywa Thawnginn ah buainak a suak ih SAC ralkap pawl a hranten an kilter bet. Cuvek a si tikah kan sungkhat Thawngtla pawl hrang kan don har zet” tiah tualsungum hminthup mipakhat cun MTN hnen ah a sim.

Mizaan, Apriil 3 zaanlamri ah Monywa thawnginn ah buainak a suak ih thawngtlak pakhat thi in hriamtuar 5 an um.

Pilik le ṭuanvoneitu pawl ih nautat tuar thei lo in Thawngtla pawl aukhawm duhphorhnak an nei lai ah Thawnginn kiltu pawl in meithal thawn an kap tiah theih a si.

Thawngvang a thang hnu minute 15 hrawng rei ah ralkap mawṭaw 2, meithat mawṭaw 2 le mawṭaw pangai pakhat Thawnginn ah a lut ih, cuhnu ah meithal zuun 30 hrawng a puak bet ti`n kiangkap naivai ih um mipakhat khalin BBC hnen ah a sim.

Thawnginn ih mi thi hi zo a si ti an phuang lo ih, hriam tuar Thawngtla pawl cu Ralkap siizung ah an enkol tiah theih si.

Thawngtla kiltu pawl cun rubber cerek thawn kan kap an ti nan Ralhraang nunrongzia theiciangtu mipi cun an zum thei lo a si.

Leave a Reply

Your email address will not be published. Required fields are marked *