Mon ramkulh, NLD party campaign nakih Motor let ah Minung 8 hliamhma tuar

Mon ramkulh, Kyaikto (ကျိုက်ထိုမြို့နယ်) ih NLD party nehnak co dingih aupi nakah motor bahkhawnnak a suak ih minung 8 in hliamhma an tuar.

October 4, zinglam nazi 10 hrawng ah ကျိုက်ထိုမြို့ ihsin ကင်မွန်းချောင်း khua lam pan in NLD car campaign nei motor/motorcycle 150 hrawng an feh lai ah, dungtabik ih feh mi motor cu a ke ṭhalo, tlan cak tuk, lamziin sia le minung phur tamtuk ruangah a tluk ih minung 8 hliamhma tuar in motor mawngtu a tlanhlo tiah ကင်မွန်းချောင်း palik zung in thuthang an suah.

“Motor bahkhawnnak ah minung 8 in hliamhma an tuar. An lak ah lu kuai le kut kiak an um ih na deuh ih khawngaw khal an um. Lamziin naal ruangah an let tin ka thei” tiah Kyaikto emergency services Chairman sangtu U Soe Thi Ha in a sim.

Bahkhawnnak ih hliamhmatuar nufa hnih te cu an khawngaw na deuh ruangah သထုံ siizungpi ah an kuat zo ti`n ကင်မွန်းချောင်း palik zung in thuthang an suah ih motor mawng caktuk ruangih bahkhawnnak suak ter motor mawngtu cu pukmah 279/337/338/202 thawn thubuai tuahsak a si.

Covid 19 boruak ih thlun dingmi Daan pahbal ding phan ruangah le mipi lam ih relsiatawknak um lo dingin NLD center lam in Myanmar ram hmun tinkim ih um NLD party pawl hnen ah mibur ih vahsuahnak nei lo dingin October 3 ah thuthannak a nei nan Mon ramkulh, Kyaikto ih NLD party pawl cun thlun duh loin mibur motor/motorcycle 100 luan thawn vahsuahnak an nei thotho tiah news-eleven in a tarlang.

Leave a Reply

Your email address will not be published. Required fields are marked *