Mipi ralkap ta ralthuam tampi an kai

PDF ralthuam lei mi ralhraang ralkap in an kai timi thu cu June 5 lam ihsin internet cahmai ah thu a leng zo nan, ralthuam leitu PDF Yesagyo in June 7 ah atakin an nemhnget.

Thuthang suakpek ahcu ralhraang ralkap phuah cawp a si thei ti`n rinhlehtu an um nan, atu ah ralthuam leitu PDF Yesagyo rori`n atakin an ralthuam pawl ralhraang in an kai thu an phuang zo a si.

“Kan kut sung a thleng hlan deuh te ah mawṭaw ciangkuanglo ruangah kan ralthuam pawl in kai sak. Hmarngai zetin ei-in thaw hman ei siang lo in le kan khawl sun paisa thawn lei mi a si” ti`n PDF Yesagyo cun June 7 ah thu an suah.

PDF ralthuam hi June 5 ah an kai tiah thuthang theih a si nan, an kaih nak hmun siseh, zo pawl kai tel in ziangvek dinhmun an si timi cu felfaiin theih a si lo.

Internet cahmai ih zuk thlah mi ahcun amalbik meithal 20 luan hrawng a lang ih, cerek tamzet thawn an pholang.

Ralthuam lei mi pawl kaih sak an si nan, mipi ralkap pawl cun hmasong cingin mipi hnen ah bawm hramhram hrih dingin dilngennak an nei cih a si.

Leave a Reply

Your email address will not be published. Required fields are marked *