Mipi ralkap pawl ih Tahan khawsung doawknak thusuah

Mizaan, May 28, zaanlam nazi 6 hlan ah mipi ralkap ṭangrual pawl in Tahan khawsung (နေကြာတိုက် kiang)
ralhraang umnak an kap ih SAC ralhraang 4 hrawng an thi thu, People`s Defense Force – Zomi in thu an suah.

Tongpakap ih va kap men siloin “cozah dik a si lo mi SAC ralhraang in daan loin mipi meisa man an khong mi ti tawp dingin ralrin kan pe nan, an thlun duhlo ruangah rilrinpek betin kan kap mi a si” ti`n thusuahmi ah an ngan tel.

Doawk thu thawn pehparin Zomi-PDF ṭuanvonei mipakhat cun “ralhraang in Wesly sizung kiangin ralthuamtum thawn voi 4 lenglo an kap. Tatyin 228 lam khalin ralthuamtum thawn voi 3 an kap ih khawsungum mawhneilo mipi 3 an thi.”

“Doawknak ah Ralhraang SAC ralkap 4 hrawng an thi ti`n kan zum ih hriam tuar besia khal an um. Kan nih lam cu himdamten dung kan siip thei sal” tiah a ti.

Ralhraang kut tuar khawmi 3 pawl cu thla 6mi nautenu Vanlalawmpuii, kum 25, le sahimnak hawlin Minkin ihsin Kalaymyo ah beutu nufahnih, Daw Ni Ni Aye, kum 47, le a fapa BungMyatOo, kum 26, tipawl an si ih, ralhraang ralthuamtum kahnak ruangah Sekan khawmi numi pakhat a kut a bul hlei ah Sanmyo ah Tlawnginn pahnih a kaang tiah theih a si.

May 28, Tahan khawsung doawknak ah Zomi PDF, CSS, CNDF, PDF Kalay le GRF ralkap tipawl an tel.

Leave a Reply

Your email address will not be published. Required fields are marked *