Mipi mawṭaw Vawsiattu phungki pawl hum in Palik an cangvai

Tuṭum Myanmar rampi buainak ah mipi lam in thahrum hmangin cangvaihnak an nei ding ti phan a um zet lai ah cuvek lam hoi deuh ih cangvaihnak suakter theimi buainak pakhat a hungsuak.

Cuih buainak cu February 18, Yangon Bahan myone ah a suak. Buaitawthoknak cu kawl phungki hrekkhat in lamziin par ih mawṭaw 3 hrawng an vawsait ruangah a si.

Hitiih an cangvaihnak hi kawl ralkap pawl in mipi sosang ter duh ah an tawkphirhmi a si tiah miṭhenkhat cun an sim ih mipi lam in thahrum hmangin an cangvai le ralkap lam in hriamhrei hmangin an nawr sal ding ti a phan umzet a si.

Phungki pawl ih mawṭaw vuatsiat lai cu mipi in an hel vialvial ih boruak umdan a sosang thei ti`n phungki pawl cu an tlawng sungah an tlan lut.

Tuah, phungki tlawng sangkakawt ah mipi an pung khawm ih phungki pawl hum dingin palik rual khal an thleng zo a si.

Leave a Reply

Your email address will not be published. Required fields are marked *