Mipi lam ṭangin Myanmar Hackers pawl cangvai thok
Theipatawp suah in ralkap uknak do rerotu mipi lam ṭangin computer thiamsang Myanmar hackers pawl an cangvai thok.
Zopawl an si ti cu tarlang a si lo nan February 17 zinglam ihsin a siat thokmi Central Bank of Myanmar website, Tatmadaw True News Information Team website tvk siatsuahtu cu kan mah Myanmar Hackers pawl kan si ti`n Facebook cahmai ah an tarlang.
Myanmar Hackers Take Down Military-Run Websites https://t.co/5cHVkQwqHv#WhatIsHappeningInMyanmar#StopMilitarycoup#SaveMyanmar#2021uprising#Myanmar
— The Irrawaddy (Eng) (@IrrawaddyNews) February 17, 2021
“Kan tumtahbik cu cozah kumpi thuneihnak latu ralkap cozah hnukthlakding hi a si. Curuangah ralkap cangvaihnak rak bawmtu le dinpitu cozah zung website hmuahhmuah cu online ah nasa zetin kan do a si” ti`n Myanmar Hackers group cun an tarlang.
Cuihtlunah online ihsin ralkap cozah website pawl olsamten siatsuah theihnakding link pakhat cu Facebook cahmai ah an tarlang ih “na kut rori hmangin ralkap cozah do dingah in rak telpi aw” ti`n ca an ngan.
Myanmar Hackers take down Military-Run Websites by making a system called “Hack With Your Hands” which can participate all people in easy way and today got a new record with +313 online attackers.
Source: https://t.co/FsXouKeCIj#WhatsHappeningInMyanmar #Feb17Coup pic.twitter.com/fVKDfUXTYs
— Keren Khin (@keren_khin) February 17, 2021
Cyber attack an nei thok ih an bat bikmi cu Directorate of Investment, Trade Department, Customs Department, Ministry of Commerce, MRTV le ralkap media a si mi Tatmadaw True News Information Team, Myawady TV tipawl an si.
Myanmar Hackers cangvainak zarah Central bank, True News Information Team, Myawady TV le Trade Department website pawl cu February 17 tlawngkai nithum zingah hnaṭuan theilo in an siat thluh a si.
