Mipi hiip nak dingah Facebook Account Thar ka tuah ding – Aung San Suu Kyi

Myanmar ram hrilaw ni a nai vivo thlang ruangah rampi thuron Aung San Suu Kyi khal mipi hiip dingin ramkhel cangvaihnak pawl phorhsuak in a hran ten tar nakding Facebook page thar a tuah tum thu a phuang.

Atu a hman rero lai mi Facebook account ihsin mipi a sim theimi a siih “tu thla thok ihsin NLD hrang ah hrilawnak daan le duun thlun in hna ka ṭuan thok. Curuangah Facebook page thar tuah dingin kan tawlrel lai a si. Party le rampi hrilawnak cungcang thawn pehpar in mipi thawn pehzom awnak neithei nakding hrang ah tuah tummi a si” ti`n a Facebook cahmai ah a tar.

Atu a hmang rero lai mi Facebook account cu kum 2020, April 1 ihsin a hmang thok mi a siih Covid 19 thawn pehpar mi thuthang, mipi simthei nakding le Covid 19 thawn pehpar in rampi cangvaihdaan pawl mipi hnen ih simthei nakding ah a tuah mi a si.

Leave a Reply

Your email address will not be published. Required fields are marked *