Mino pawl Tlawng hmai ih duhphorhnak nei tum cu Sayama in a Serh a rak hmuh hai

Shan ramṭhen, Nawnghkio Myo(နောင်ချို) ih Tlawng Sayama pakhat cun Tlawng inn hmai ih duhphorhnak neitu mino pawl cu a Hni a rak hlip san hai.

Kawlram cozah hnaṭuan ṭhenkhat cu ralkap ukhruinak dodal in CDM ah an tel ih ṭhenkhat an si le pumpi khapkhat hrang lawng ruat thiam, sinak duh ṭeuṭeu CDM ih lut duh lo ralkap lam ṭangin an kut hnuai ih hnaṭuan khal an um lai.

Cuvek pawl cu mipi in nasaten an dodal ih bulpak khalin siseh an hnaṭuannak zung pumpihlum zawng khalin CDM ah tel dingin zung hmai, tlawng inn hmai tivekah mipi in duhphorh hnawhnak an nei ṭheu.

Shanram, Nawnghkio Myo ih CDM lut duhlo training kai rero lai Saya/Sayama pawl cu training an kai nakah mino pawl in duhphorh hnawhnak an va nei.

Mino pawl cu kum 50 mi Sayama pakhat in a Hni a rak hlip san hai hlei ah Fung hreu keng in a rak hringhro ciamco hai. (Hni hlip sanaw hi Kawl daan ah hmuhsuam nautatawknak tumzet a si.)

Nawnghkio khuami pakhat cun “amah hi kum 50 hrawng a si. Tuhlan ahcun Tlawng inn ah a umum ṭuantu a siih, tu ah Tlawng sayama dinhmun in a hnaṭuan an khai so mi a si” a ti.

Kawl ralkap pawl cun rampihuap ih cozah hnaṭuan CDM luttu an tam ruangah an kut hnuai ih hnaṭuan duh pawl cu rank khaisang dingin a thlem hai. Cumi ah khuaruah mumal neilo mai` hrang lawng ruattu ṭhenkhat cu ralkap ukhruainak hnuai ah hna an va ṭuan luailo.

Sayama pitar nu ih Hni hlip san thuthawn pehpar in duhphorhnak ih telvetu mino pakhat cun “nauhak pawl nuncan ziazamawi zirhtuding sayama pakhat ih mi Hni a hlip san men cu mak kan ti tuk ih tingaihnak khal kan thei lo. Hnamphung daan zawng khalin relngaihnak a um lo. Hivekcu thli cang ding a si hrimhrim lo nan… ” a ti.

Mino pawl cu caan tawkmawi duhphorhnak an nei hnu ah buaibainak umloten an ṭhehsuak tiah Shannews in a ngan.

(zuk : remcang mi tar men mi a si)

Leave a Reply

Your email address will not be published. Required fields are marked *