Kan ram siatsuahtu PDF 1400 lenglo kan kai zo – SAC ralhraang

Rampi a buai hnu, SAC ralkap kahdonak voi 4000 lenglo a suak zo ih, khawsung ih cangvaitu PDF mipum 1400 lenglo kan kai zo tiah SAC ralbawi Zaw Min Htun in a rel.

Cumicu, tuini January 14 ih media hnen thusimfiahnak an nei lai ah SAC ralbawi Zaw Min Htun in a relmi a si ih “cuvek kahdonak ruangah cozah hnaṭuan mipum 192 le Khawmi 1538 pawl an thi” tiah a ti.

SAC ralbawi Zaw Min Htun cun PDF cangvaihnak le kahdonak an tongmi thu pawl lawng a rel ih ralhraang SAC ralkap ih mi that mi le inn an urkaangmi tivek cu a thlithlam khal a rel lo.

Cuhleiah, thusimfiahnak an nei thluh veten kan dung kum November thla ih kaihkhihtuar NLD palaihlun Phyo Zeyar Thaw ih thusim lai video cu online ah an theh darh.

Phyo Zeyar Thaw cun NUG thawn pehtlaihawknak an nei dan siseh, meithal phurh thiar dan le PDF hoha in Yangon khuasung ih cangvaihnak an nei dan tvk pawl a rel a si.

Leave a Reply

Your email address will not be published. Required fields are marked *