Min Aung Hlaing relmi le a kuthnuai ih zung thusuahmi a kalhaw

Min Aung Hliang in rampumhuap rorin Meisa tha hmangmi Tlangleng kan hmang ding tiih a rak aukio reromi cu a kut hnuai ih um Ministry of Electricity & Energy zung cun a cangsuak thei lo zia an langter a si.

Meisa tha hmangmi tlangleng hmang ding cun catbangloin meisa a ṭha ṭul ih, atu kan dinhmun ahcun mipi khawpkhamding hmanin meisa an suah thei lo.

Cumicu Ministry of Electricity & Energy zung rori`n mipi theihternak an nei ih “Meisa suahnak ceetzung pawl in meisa an suah tam thei lo ruangah semrem in hmang thei dingah meisa hmangtu tambik lai fang, zing nazi 7 in 11 karlak siseh, zaanlam nazi 5 in 7 karlak ah meisa kan mit hrimmi a si” tiah မြန်မာ့အလင် thuthang ah an suah a si.

Ministry of Electricity & Energy zung thusuahvek a si le apangai meisa suahtambik hi 4200 megawatt a si ih, atucu 1470 megawatt amal ti a si.

Hivek dinhmun a si nak san cu Ceetzung ṭhenkhat an cawl ruangah siseh, Yadana offshore gas project an rem ruangah le Kayah ramkulh ih Biluchaung meisa peknak tower pawl bomb thawn an puah siat ruangah a si ti`n Ministry of Electricity & Energy zung thusuahmi ah an ngan tel.

Leave a Reply

Your email address will not be published. Required fields are marked *