Min Aung Hlaing in ASEAN le leitlun rampicang ṭhenkhat Vuuihram

Tuhrawng Kawlram hmun hranhran ih bomb puak thu thawn pehpar in ASEAN khal siseh Leitlunhuap ramdang khalin theilo vekin dungtun hmur ziip pit in an um ih ralhraang cangvainak thu an ṭongsuak duhlo ti`n Min Aung Hlaing cun ASEAN telin leitlunhuap ram pawl a vuuihram hai a si.

Cumicu ASEAN palai 2 thawn June 4 ih an tongaw ṭum ah a rel suakmi a siih June 7, SAC ralhraang meeting tokhawm nakah Min Aung Hlaing in a milai pawl a sim bet sal hai a si.

Min Aung Hlaing cun a kuttang ih um ralhraang cangvaihdan le thilsual tuahmi hmuahhmuah cu sir ah hnol in rampumhuap hmun hranhran ih bomb puak mi cu NUG le CRPH thawn pehtlaiawknak an nei tiah mipi cozah NUG le CRPH cu a puh hai ih “an milai pawl cangvaihnak a si” a ti.

NUG le CRPH khalin Min Aung Hlaing puhmawhmi cu duhvece loin “bomb puak mi thawn pehtlainak zianghman kan nei lo” tiah thu an suah ve.

RFA ih zirzoinak a nei mi vek a si le February 1 ihsin May thla cem tiangah amalbik rampumhuap Bomb puak voi 300 hrawng a um ti a si. (RFA)

Leave a Reply

Your email address will not be published. Required fields are marked *