Mi pahnih That in Hramhrik Thatsii thawn Thataw Tumtu Inn-saangpa An Kai

September 4 zaan nazi 8 hrawngah Mingaladon Township, pah-lah-yah veng ah naam thawn dawtthataw an um timi thuthang cu Mingaladon palik in an dong ih zingzoi dingin a hmun ah an feh.

Ahmun an thleng ih an buainak innsung an lut tikah naamat hriamhma tuar mi 4 an hmu.

Namdawt/at tuar mi 4 ah pahnih cu nunnak cem cia in an va hmu. Kum 6 mi Tun Myat Ya Ti Soe le Myo Myo Thant (kum 42) cu naamat hrimhma tuar, nungdam in an rak um ih Kum 13 mi Win Htet Kyaw le Mah KyoKyoWay cu thi cia in an va hmusuak.

Palik cun zingzoinak an nei ih naam thawn mi dawttu cu Mah KyoKyoWay ih pasal hlun Moe Thu Rah (kum 44) a si timi an theisuak.

Hih thuthawn pehpar in Mingaladon palik ṭuanvonei pakhat cun, “thilumdan cu, KyoKyoWay le Moe Thu Rah cu tuhlan kum 5 rei zo ah an ṭhenaw. An pahih karlak ah hmuaw thiamlonak a um ruangah nupa lungkimnak thawn thuṭhenzung ah an ṭhenaw fel.”

“Asinan Moe Thu Rah cu a lungkim theilo ih buainak hawl in a nupi hlun KyoKyoWay tei` inn ah a va siim hai. Inn-teek-nu thawn ṭongkam an elaw ih mi pahnih in an ṭhen tum lai fangah naam thawn a dawt hai” tiah MMtimes hnen ah a sim.

Tualthattu Moe Thu Rah cu an buai hnu nazi 2 hnu ah palik in an kaingah. Amah cu a nupi thawn ṭhenawnak hminkhen caphek kengin lungfim loin a rak um ih a kiangah hramhrik thatsii dawng khal an hmusuak.

Ṭuanvo nei palik cun, “Thataw tumin hramhrik thatsii a in. Lungfim loin a um ih an nu thawn ṭhenawknak hminkhen caphek dungah ‘ka thih pang sile in ngaithiam hram uh’ tvk cangan mi khal kan hmu cih” a ti.

Tu ah, Moe Thu Rah cu siizung ah an tuamhlawm ih pukmah 302 thawn thubuai tuahsakin a thuhla an zingzoibet a si.

Leave a Reply

Your email address will not be published. Required fields are marked *