Mi a bawm hlei ah Covid 19 boruak cem tiang a inn sangtu a lak in a luah ter

Covid 19 boruak ih mi harsa pawl bawm ṭheutu Myanmar lemcang khawvel ih comedian hminthang Din Daung cun Yangon ih a inn luah tu pawl cu Covid 19 boruak cem tiang a lak in a luah ter hai thu BBC hnen ah a sim.

Anih hi tangdawr nun nei zet a si ih Myanmar ramsung comedian tamzet lakih hlawhtling lam mi pakhat a si. Thinlung sung ih um hmuahhmuah relsuak hmang pawl a siih mipi khal ih lawm zet mi comedian a si.

Amah bulpak khal in mi a bawm tam zet ih miharsa pawl bawm nak ding ah kut dawh ngam vohvoh a si. Milian le celeb hminthang a rual le pawl hnen ah kut dawh in mi harsa a bawm ṭheu ih tuṭum khal ah Covid 19 ruangih hnaṭuan neilo harsa pawl a bawm hlei ah a inn luah tu pawl cu september 10 ihsin Covid 19 boruak sung a lak in a inn a luah ter hai a si.

Cuhleiah Covid 19 ruangih harsatuar veng hnen kiangkap pawl cu mi hnen ah kut dawh ih a ngah mi pawl thawn inn khat hnu inn khat lut vivo in bawmnak a pek vivo hai ih an mah biaknak phungki tlawng pawl khal ah bawmnak a pek ringring ti`n BBC cun a ngan. (Lawrkhawm)

Leave a Reply

Your email address will not be published. Required fields are marked *