Meithal tin ih kaihkhih tuar NLD ṭuanvonei 2 cu an umnak theih a si hrih lo

May 6, Yangon NLD zung hmai ih kaihkhih tuar mipathum cu an sungkhat naivai in tutiangah an hruainak hmun an thei hrih lo ih pehtlaih theilo in an um.

NLD central zungpi ṭuanvonei U Ba Myo Thein, U Soe Win le Rakhine mino hruaitu Ko Hin Min Htet te pathum cu May 6, zaanlam nazi 4 luan hrawngah zung ihsin an suah pekah SAC ralkap milai siding zum ummi pangai thuamhnawhruk miburkhat ih kaih an tuar mi a si.

“Khawi hmun ah an hruai tikhal theih a si lo. Ko Hin Min Htet nu phei cu kan mah in kan sim cawp. Tuhrihtiang cu kaihkhih tuar innsang cu ralkap lam in hnaihnoknak hran an nei hrih lo” tiah NLD ṭuanvonei mipakhat in a ti.

Kaihkhih an tuar lai cu CCTV in a zuk ngah ih People Voice Television(PVTV) in Facebook cahmai ah an tlangzarh.

Hinah video …

“Zung ihsin an ṭum ciah ah an hruai cih. Hivek ih kaihkhih tuar tamsawn cu hrem in thusutnak an nei hnu ah ṭayacuai an si leh” tiah NLD lawyer pakhat in a ti.

SAC ralkap in February 9 zaan hnu khalah Yangon NLD zungpi an rak siim dah. Cuih ṭum ah zung sungih ceet thilri tamzet a siatral ih ca pawimawh, thingkuang ih retmi paisa le thil dangdang khal a hlo.

Video link : PVTV

Leave a Reply

Your email address will not be published. Required fields are marked *