Meithal thlak pangin mah le mah kap aw ngahtu Palikbawi a thi

Cerek 6 hman cii meithal thlak ngah ruangih a puak mi cerek pakhat cun palikbawi calpadar ah a ngah ih a nunnak a cem.

Mithitu palikbawi KyawKyawHtun cu Mon ramkulh, Bilin palik sakhaanhmu a si ih, meithal puak ah amah sangtu palik ThureinLin khalin hriam a tuar ve tiah theih a si.

“Mizaan, February 20 zaanlam ih thil thleng a si. Palikbawi in meithal rel ṭha dingin a fial ih meithal fingkhawitu ThureinLin in meithal pakhat a thlak ngah pang.”

“Cerek pakhat a puak ih ThureinLin Ke a vittlang hnu ah a pu cal ah a ngah bet. Yangon siizung ah an kuat nan tuini, February 21 sun lai hrawngah a thi” tiah palik pakhat relmi cu Mon hrambun media ṭhenkhat in an tarlang.

Yangon siizung ih a thih veten a sungte pawl an sim thei ih, PinOolwin ih tlawngkailai a fapa khal an theiter zo ti a si.

Khawmi pawl cun mipi hremtu palik par ah pathian in hremnak a pe tiah zumnak an nei a si.

Leave a Reply

Your email address will not be published. Required fields are marked *