Meeting kaiter hramhram dingin SAC ralhraang in ASEAN hnen ah zangfah dil

ASEAN ciivuaipi tuah ding caan nazi kaar lawng a duh thlang nan SAC ralhraang cun meeting kaiter hramhram dingin ASEAN hnen ah a dil non.

ASEAN in Kawlram aiawh ih meeting kai dingah Ministry of Foreign Affairs ih ṭuanvonei U Chan Aye an sawm mi cu ralhraang lam an lungkim thei lo ih asilobikah an milai Union Minister tal meeting ah telter dingin dilngennak ca an suah.

SAC Ralhraang thusuah ahcun “ASEAN sungtel ramdang palai pawl vekin Kawlram khal a pangaiten meeting kai thei dingah ASEAN dun le dan ah a um thu, Meeting kaitu dingah atufang Myanmar thuneitu ralkap cozah um cingin Myanmar sinak tiniam terin rampi hruaitu asilomi Ministry of Foreign Affairs ih ṭuanvonei lamlam an sawm mi cu ASEAN dun le dan thawn a mil aw lo thu” … tvk pawl an ngan telih asilobikah Union Minister pakhatkhat tal sawm hramhram dingin ASEAN meeting sawmnak cu SAC ralhraang in a let saal.

SAC ralhraang cun meeting kai dingah Kawlram hruaitu Luban lam lole Union Minister tal sawmawknak a um lo cun ASEAN meeting sawm nak kan cohlang theilo tiah thu an suah a si.

April thla lam ih ASEAN ramhruaitu pawl an tongaw ṭum ah Myanmar thubuai thawn pehpar in thlun/tuah dingmi thu 5 an suahmi cu SAC ralhraang in a thlun/tuah duhlo ruangah ralhraangbawi Min Aung Hlaing cu ASEAN meeting kai khap in hremnak an pe a si.

Leave a Reply

Your email address will not be published. Required fields are marked *