Meeting thurelmi Audio file puut darh thu ah Magway cozah luban an kai

Meeting thurelmi audio file puut darh thu ah Magway cozah အတွင်းရေးမှူး ဒုညွှန်ချုပ် Win Shine cu ralhraang SAC ralkap in May 2 zaan ah an kai tiah theih a si.

Ralhraang kuthnuai ih um Magway cozah hotu ṬinLwin hohanak thawn ramṭhen cozah hruaitucin meeting cu tukum january 19 ah an tuah ih, ṬinLwin in “PDF ralkap pawl ṭih an nung tuk. Ram kan haal khalah ralkap pawl in humvennak ṭuanvo in la lo” ti`n meeting ih a relmi audio file a puut darh ih KTM in tukum thok lam ah internet cahmai ah a thlah darh.

Cuih thu thawn pehparin Magway cozah အတွင်းရေးမှူး ဒုညွှန်ချုပ် Win Shine cu Naypyidaw ah an kai ti`n ralkap thu pholang ṭheutu ramsung media ṭhenkhat in an tarlang.

“Magway ramṭhen cozah meeting ah PDF pawl ṭih an nung tuk tiih hotu pawl relmi audio file cu a thok ihsin a cem tiang KTM in a theh darh. Cumi thu ah Magway ram ah thusutnak voi 2 an nei zo”.

“Naypyidaw ah an hruai ih cuih hmun a um lai khalah thuhladang puut darh mi a um bet ruangah rampi thuthup phorhdarhtu ti`n Win Shine cu an kai” tiah ramsung media ṭhenkhat cun an tarlang a si.

Audio file cu zoi` kut ihsin a puut darh ti cu felfai in theih fiang a si lo ih, a thlah darh tu KTM khalin thuhla zianghman a tarlang lo.

Audio file puut darh mi hinah na ngai thei …..

Leave a Reply

Your email address will not be published. Required fields are marked *