May 7 : Kalay peng sungah magnitude 4.2 thacak LingHnin

Shwebo khua, nitlaknak saklam km 94 hlatnak Kalay District sungah Ling a hnin tiah India National Center for Seismology zung in a phuang.

May 7, zinglam nazi 7 luan hrawngah a thuklam km 10 hrawngin Linghninnak a suak mi a siih 4.2 Magnitude thacak a si.

Inn le Lo, minung hrang tiang ṭihnung khawp ih tha cak a si lo nan Linghninnak kiangkap ih umtu khuami pawl ih theih tham a si cun National Center for Seismology zung lam ah simtheinak nei dingin Volcanodiscovery website cahmai ah an tarlang.

Sagaing ramṭhen hi Sagaing Fault tiih kohmi Indian Plate le Sunda Plate Leikak zawn ih ummi a si ruangah Ling a hnin duh zetih, tuhrih tiangah Linghnin tamsawn cu theih tham loin a hnin ṭheu tiah India National Center for Seismology ṭuanvonei mipakhat in a sim.

Leave a Reply

Your email address will not be published. Required fields are marked *