Mawh nei lo Kum 2mi naute cu Ralhraang kut ah a nunnak cem

PDF bawmtu tiih puh tuar ဒေါ်ငြိမ်းအိဖြိုးကျော် ih fanu kum 2 mi naute cu February 17 ah ThawngInn sungah a nunnak a cem.

Kum 35mi ဒေါ်ငြိမ်းအိဖြိုးကျော် cu Thandwe PDF bawmtu tiih puhmi a si ih Thlanglam Rakhine, Thandwe khua ah thawngthlak mi a si.

Kum 2 le thla 4 mi a fanu cu suahkeh piangsual ruangah siizung ah operation tuah a si hnu, a nu hnen an ap hnu ah Thawnginn ah a nunnak a cem tiah a sungkhat naivai pawl in MN hnen ah an sim.

“Kan nih khalle tuizing nazi 6 hrawng lawngah in sim thei. Thuhla cipciar cu kan thei lo nan, Thawnginn ah a thi ti`n thu kan thei. Aruak cu khua ah an vuiliam zo” tiah amahcun a ti.

Naute cu damlonak ruangah zunpawng feh thei lo a si ih a pum ihsin hrithluahcawp mi a si. Ziang ruangah Thawnginn ah an khum ve timi cu a sungkhat naivai pawl khalin an thei lo.

ဒေါ်ငြိမ်းအိဖြိုးကျော် telin khawmi nunau 3 pawl cu sumpai thawn PDF an ṭanpi tiah 2021, November 3 ah ralhraang pawl in an kai mi a si.

Leave a Reply

Your email address will not be published. Required fields are marked *