March 8 ih kah that mi U Thi Hha Oo cu an vui hlan te ah a Ruak an Rai sak

March 8, Ayeyarwady ramṭhen, Pyapon myo lamzawh duhphorhnak ih nunnak liam U Thi Hha Oo cu a ruak an vui hlan March 10 zinglam nazi 10 hrawng ah an mai inn rori ah taksa rai in zohfelnak an nei.

Ahmun ih hmutu mipakhat cun “a ruak vui hlan ah an inn rori ah ra in Autopsy an nei. Pyapon Siizung ih siibawipi, Dr. pakhat le harhdamzung ih hnaṭuan mipahnih an ra. U Thi Hha Oo ih ruang an rai hnu ah a result khal kan suah cing ding an ti ih an kir sal” a ti.

U Thi Hha Oo cu ralkap uknak duhlo in March 8 ih duhphorhnak an nei ṭum ah ralkap in a pum ah an kap ngah ih siizung lam ah an tlanpi nan a besia tuk ruangah a nunnak a cem.

Cozah lam in a ruak zohfelnak nei dingin an dil nan a sungte le veng hnen pawl in rem an ti lo ruangah tuvekin a inn rori ah ruak zohfelnak an nei hi a si.

U Thi Hha Oo cu fanu le fapa pakhat nei in innsang nei zo a si ih a thih ah kum 30 lawng a si lai.

Mipi lam cun ralkap/palik kap that mi rori a si tiah zumnak an nei ih, tuizing March 10 ih a ruang rainak result ah teh zingtin an suah ding ti cu zo cio khalin an hngakhlapzet a si.

Leave a Reply

Your email address will not be published. Required fields are marked *