Manipur cozah in Myanmar raltlan cohlang tum
Mizoram in Myanmar raltlan a cohlang ding thu a phuang hnu ah Manipur cozah khalin cohlang a tum ve thu March 10 ah a phuang.
Kawl ralkap in kumpi cozah thuneihnak a la hnu ah hin Palik le ralkap telin cozah hnaṭuan tamzet cu himnak hawl in India ram ah an tlan lut.
Chinram lam ih tlan lut khal an um ih Moreh, Manipur lam in tlanluttum khal an um nan ramri kil security ṭih ah Moreh lam ih lut khuasuaklo an tam zet.
Hih thuthawn pehpar in Manipur Chief minister N. Biren Singh cun “Moreh lam in kan ram ih tlanluttum Myanmar raltlan an um. Asinan ramri kiltu security ṭih ah an lut khuasuak lo.”
“Atuah bom kan duh nan rampi pahnih karlak ih thuhlapi a si ruangah Ministry of Home Affairs lam ah dilngennak kan nei lai ih tlun lam thusuak kan hngak lai. Aṭulcun an beu nak ding hrangah ramkulh cozah in Tlawnginn pawl kan remṭha mei ding” a ti.
Manipur Chief minister N. Biren Singh told The Hindu that schools may be arranged by the State government for “refugees from Myanmar,” but since it was a bilateral issue, they were awaiting directions from the MHA. I report.https://t.co/oMzrL8iPir
— vijaita singh (@vijaita) March 11, 2021
Myanmar rampi buainak cu a ninii in a nasa vivo ih kiangkap ramhnen pawl khalin kawl ralkap cetcangdan an theisuak vivo.
Curuangah Thailand ramṭhen cozah khalin a ramsung ah Myanmar raltlan lut theih dingin lamziin a ong sak zo ih India cozah khalin ralkap dilngennak hnawngin a ramsung ih Myanmar raltlan lut zo pawl cu kutkir sallo dingin simthannak a nei zo a si.
