Mandalay PDF hruaitu Bo Tun Tauk Naing cu SAC ralhraang Uite ah a cang

June thlacem lam ih Mandalay PDF le SAC ralhraang an kapaw ṭum ah PDF hruaitu Bo Tun Tauk Naing telin ralhraang kaihkhih tuar PDF ralkap hnih-thum an um ih, SAC ralhraang kaih tuar PDF hruaitu Bo Tun Tauk Naing cu atu ah ralhraang lam ah ṭangin cangvainak a nei rero tiah theih a si.

SAC ralhraang kutsung ih um Bo Tun Tauk Naing cun ralhraang ciimit ko do dingih thutiamnak a neipi a rual le PDF ralkap pawl cu atu ah ralhraang lam ṭang dingin a sawm hai rero tiah theih a si.

“Phone thawn in biak ih ralhraang lam ṭang dingin (အလင်းဝင်) in sawm. Hremawknak tivek khal a um lo. Kei khal him dam in ka um. Nan hrang khalah ka lo tawlrel sak thei ti`n အလင်းဝင် dingin in sawm. Phone in biak lai ah a kiangkap ah kiltu nei vek khi a bang. Atucu ram le miphun phatsantu ah a cang” tiah hminthup PDF ralkap pakhat cun a rel ih an biakawknak audio file khal a pholang cih.

June thlacem lam ih doawknak thu thawn pehpar in SAC ralhraang in thusuahnak an nei ve ih cumi ahcun “Kan kaingahmi Mandalay PDF hruaitu Bo Tun Tauk Naing rel mi vekin Mandalay lut ding mi mawṭaw kan rak check cu M(79)LL လောင်ချာ 40, 799 Padingလောင်ချာ 10, K-2-5 Assault rifle 32, K-2-5 Assault rifle phundang 32, Fiber cerekdawng 248, K-2-5 cerek 1000 telmi bawm 10, kut den bomb 499 le cerek tuah nak ding Siivai, bomb fuse le puak kuai nak hrang ih hman theih mi thil dangdang tamzet kan kai” tiah SAC ralhraang cun thuthang an suah a si.

Leave a Reply

Your email address will not be published. Required fields are marked *