Mandalay le Yangon hmun ṭhenkhat ah Martial Law an phuang

Myanmar rampi thuneihnak latu ralkap in Mandalay township 7 le Yangon hmun ṭhenkhat ah Martial Law a phuang tiah rampi General Administration Department (GAD) in February 8 ah a phung.

Cuih hmun pawl ahcun mi panga hnakih tam mibur um tlanglo dingin le zaan nazi 8 in zinglam nazi 4 tiang zohman leng suak lo dingin curfew nak an nei tum a si.

Hitiih Martial Law an phuang nak san cu rampi huap in mipi in nithum sung ralkap uknak dokalh duhphorhnak an nei ruangah a si tiah Republicworld media in a ngan a si.

Anmah ralkap lam cun “rule of Law” dundaan thlun in hmalaknak kan nei mi a si tiah an phuang nan ramkhel mithiam pawl cun “mipi thazang a cak vivo timi an hmusuak tikah thinphang thokin Martial Law an phaung mi a si” tiah an sim.

Ralkap in Martial Law a phuang mi hi ziangtiktiang a awh ding ti cu theih a si hrih lo ih mipi lam cun rampi huap in Martial Law phung ding an phang zet a si.

Leave a Reply

Your email address will not be published. Required fields are marked *