Mandalay Khawlaili doawknak ah PDF ralkap 5 in ram le miphun hrang nunnak hlan

Mandalay, Chanmyathazi myone, Kantharyar veng, “Green House Inn” riahbuuk doawknak ih nunnak liam mino 5 pawl cu MN PDF (မြစ်ငယ်) ralkap pawl an si ti`n Rangers of Mandalay in tuni May 4 ah thu an suah.

PDF hriam tuar pawl an colh nak hmun khihhmuhtu Dalan an um ruangah May 3 ah ralhraang SAC ralkap in “Green House Inn” riahbuuk an luhcilh ih mipi ralkap 5 an kap that tiah theih a si.

Ram le miphun hrang nunnak hlantu MN PDF ralkap pawl cu ဗိုလ်ကျုံးထန်၊ ရဲဘော်ညီကို၊ ရဲဘော်ဩဘာ၊ ရဲဘော်ဖက်တီး၊ရဲဘော်မအိ tipawl an si.

“Ralhraang kaih tuar men loin nunnak liam tiang rori ral an do mi par ah upatnak kan pe ih, MN PDF thawn bangran in kan nih khalin ka riahsiatpi ve” ti`n Rangers of Mandalay cun thusuahmi ah an tarlang.

Tuhlan ah cu PDF ralkap pawl hi nungdam in an kai ṭheu nan tubai hrawng khan an hmuh nakah an kap that mi an tam ti`n Mandalay Free Press media in a tarlang.

Leave a Reply

Your email address will not be published. Required fields are marked *