Mandalay : Grand Park Hotel dot 27 nak in Minung 3 tla that

October 28, zaanlam nazi 4 hrawng ah Mandalay, Hotel pakhat ah vansiat thalk zet in cangsualnak a suak ih minung pathum an thi tiah Maha Aungmye Township palik in thuthang an suah.

Maha Aungmye Township, Grand Park hotel dot 27 nak ih thlalang thleng tum hnaṭuan pathum cu an din nak bawm hri a cat ih an tlak ruangah a hmun rori ah an thi cih a si.

“Hotel cu dot 32 sang mi a si. Dot 27 nak ih thlalang kuai thleng tum in hnaṭuan minung 5 an sor. Mi pahnih cu ziinpi ah an um ih mi pathum in thlalang thleng an tum. Culai ah vansiat thlak zetin an din nak bawm hri a cat ih an pathum in an tla that. Daan vekin zingzoinak kan nei ding” ti`n Maha Aungmye Township palik bawi Win Naing in a sim.

Mithi cu ဦးသက်နိုင် (kum 50), အာကာ (kum 19), ဦးစန်းဝင်း (kum 40) pawl an siih an thih dan thuthawn pehpar aw in ahmat 7 palik zung in zingzoinak an nei ding ti`n eleven media in a ngan.

Leave a Reply

Your email address will not be published. Required fields are marked *

error: hahahahahaha !!