Mandalay Doawknak thu ah US le France Embassy in theihternak Capi an suah

Tuizing, June 22 Mandalay doawknak ah mipi lam in thihlohtong an um ruangah Yangon ih US embassy cun boruak umdan a thlir ringring thu internet cahmai ah a tarlang.

Buainak sosang sinin thihhlohnak a tam sin ding phan a um thu tarlang in a hraang zawngih cangvaihnak cawl lohli dingin dilngennak an nei.

Yangon ih France embassy khalin thihhlohnak tam sinter theimi khuapi sung doawknak cu rampi thuneihnak cuh ruangih thihhlohnak a suakmi pung tertu a si tiah an tarlang.

Cuvek buainak pawl tawpter dingin caan sau hrang rinsantlak khuakhaannak neih lohli a ṭul thu, 2020 rampi hrilawknak ih mipi duhthlanmi upat dingin le Mihring painvo upat dingin dilngennak an nei ve.

Cuihtlunah Leitlunhuap hruaitu pawl ih pompimi Jakarta ASEAN meeting ih thusuah 5 pawl atakih hmalaknak nei lohli a ṭul zia cu atuih Mandalay buainak hin a ti lang fiang zet tiah French Embassy in Myanmar cun internet cahmai ah a tarlang.

June 22, zinglam nazi 8 hrawngih Mandalay doawknak ah PDF lam in mithi 3 le hriam tuar 1 an um tiah PDF ṭuanvonei ဗိုလ်ဇီးကွက် cun RFA hnen ah a sim.

SAC ralhraang lam khalah mithi an um tiah theih a si nan People Defence Force Mandalay in theihternak ca an suah hrih lo.

Leave a Reply

Your email address will not be published. Required fields are marked *