Mandalay ah Minung 19 kah that an si

Mandalay : Maha Aungmye Township, Shiinpan veng ih tohnawh duhphorhnak neitu mipi pawl cu ralkap le palik in an kap ciamco ih nemhnget hrih lomi thuthang ah mi 19 an thi tiah tarlang a si.

Duhphorhnak ih hruaitu pakhat cun “ralkap le palik in ralhnih in inphit ih mitthli tlak bomb, Flashbang, rubber cerek le cerek ngai rawimi meithal thawn in kap ciam co”.

“Lamziinpi cu thi le hnai in a khat ih nauhak, nunau, mino, kum upa telin amalbik mi 10 an thi. Miruak tamsawn cu ralkap le palik pawl in an thiar hlo cih ruangah nemhnget theimi mithi cu 4-5 hrawng lawng an si” tiah Mandalay local media hnen ah a sim.

Ralkap le palik pawl cun mipi bawmtu pawlkom zung khal an luhhnawh tiah a hmutu pawl in an sim ih an mawṭaw pakhat khal an fir sak tiah rintlak Mandalay media ṭhenkhat in an tarlang.

Tutiangah nemhnget zomi mithi 4 an um ih cu pawl cu Ko Saw Pyi Naing (kum 21), Ko Min Min Thun (kum 35), U Win Ṭhee (kum 41), Daw KayThi (kum 53) pawl an si.

Ke, Kut le Pum tivek i meithal kap tuar minung 20 luan an um ih thi theih dinhmun hliamhmatuar khal an um tiah theih a si.

Leave a Reply

Your email address will not be published. Required fields are marked *