Malaysia ihsin Myanmar ih kuat kir mi mipum 1000 luan cu Kawlram ah thleng fel zo

February 23 ah Malaysia ihsin Myanmar ram ih kuat kir mi kawlrammi mipum 1000 luan cu February 27, zarhte ni ah kawlram ah an thleng fel zo tiah BBC in a tarlang.

An nih hi Malaysia ram ah Daan lo i luttu an si ih Malaysia cozah in kan dung kum lam in a rak kilkhawi hai zo.

Malaysia cozah kut sung i an um lai ah UNHCR lam in an dinhmun zingzoi a tum nan cozah lam in rem an ti lo.

Myanmar i kuatkirmi minung 1000 luan ah hin Chin mi khal an tel ih mitamsawn cu Muslim an si.

Kawl ralkap in Myanmar kumpi cozah thuneihnak a la hnu ah Malaysia cozah hnen ah kan ram ih phurtlung sal dingin ralkap lam in an dil mi a si.

Myanmar ralkap pawl in Navy Lawng thawn an va hmuak ih Malaysia ihsin an poksuak hnu ninga nakah kan ram ah an thleng suak thei.

Tuhrihtiang ah Malaysia ihsi phur tlung mi kawlram mi mipum 1000 luan hi an thuhla cipciar i hmuh ding a um lo ih ralkap pawl in khawi hmun ah an ret tum, ziangtin an tuah ding tivek khal thufelfai a um hrih lo.

Leave a Reply

Your email address will not be published. Required fields are marked *