Malaysia ih hnaṭuan Myanmar mi Thawngteel in Tlunthei Danding ngaihtuah Taalbuai

Malaysia ramsung daanlo ih luttu Kawlram mi hnaṭuan tamzet cu Covid – 19 ruangah hnaṭuan ding nei loin an um ih Kawlram ih tlung thei saldan ding ngaihtuah in an talbuai rero a si.

Kuala Lumpur, Myanmar embassy in Malaysia ram ih hnaṭuan kawlram mi pawl mah ram ih tlungthei danding ngaihtuah in an hmin, kum, umnak tivek ngan ih tlungding dilnak ca ngantu 2000 an um zo.

Cupawl lakih Kawlram tlungthei salding beiseinak neivetu Ye Min Htet cun “embassy ih tlunding dilnak ca nganding an suah mi ka ngan ṭheh zo ih June 29 ah ka kuat zo. Aṭulmi zuk khal ka ben, kut neh khal ka sut zoih ka kuat zo. Tuahcun an lam ihsin letnak ca ka hngak a si. Over stay in ummi ka si ih hnakhal neilo paisa khal nei nawn loin rualpi hnen ah ka um. Acangthei asile kawlram ah zamrang theitawk ih tlun ka duh” tiin a sim.

Miṭhen cu Malaysia khawte ih um khal an um ih vak-suk-so harsat ruangah Myanmar embassy ih casuah mi kuat theilo khal an um.

Embassy cakuatding harsatnak tongtu Aung Aung cun, “Ca suah mi link pawl cu Malay dawr ah tuah a theih lo, Myanmar font nei mi Kawlram dawr lawng ah tuah a theih. Ka feh nak dawr le an phit. Hnaṭuantu pakhat hnen ah in bawm hram aw ka ti nan a boss pa in a duh lo. Nan inzangfah salih in tuahsak.

“Ngan ṭulmi le zungpi num ding khal ka ṭheh hrihlo. Zuk le ben ṭulding ti a siih zukawknak dawr hawlin ka vak vivo laiah Malay palik thawn kan tongaw ngahih ka paisa nei mi 600 sung ihsin 500 in ka tlanaw. In kai loih ka van ṭha. Hivek dinhmun thawn cahnah ngah ding cu ollo. suakvak ngamlo dinhmun ah kan um.” tiin a sim.

Malaysia ih hnaṭuan, daanlo ihluttu Myanmar mi pawl cu cozah hnen ih paisa kuanta loin ka thlah hai loding tiin Malay cozah in a sim ih ziangvekin thu a suah sal ding ih ziangvekin tawlrelnak a nei ding timi hngakcuahco in an um a si.

ref:RFA

Leave a Reply

Your email address will not be published. Required fields are marked *