Leiram license kan lo long ding ti`n Lothlo pawl hringhro

Ayeyarwady ramṭhen ih Lo tuah pawl cu စိုက်ပျိုးရေး bank ih paisa cawimi rul theilotu cu Loram tuah thei nak license lon an si ding ti`n bank hotu pawl ih forhfialnak thawn khawbawi pawlin mipi an hringhro tiah theih a si.

Lo tuahtu pawl in bank ih paisa an cawi tikah Loram neitu sinak ca poimawh an apter cih ih, paisa cawimi rul theilotu cu cuih ca pawl long cih an si ding ti`n hringhro tuartu, Pathein peng ih Lo tuahtu mipakhat cun a rel.

“Paisa cawimi rulhcu hrawngah kan ram ah natsia a thleng tikah kan rul thei lo. Cuhleiah rampi a buai bet tikah sumsawlam harsatnak a luar sinsin.”

“Rulh theinakding lamziin a um lo rori si ko. NUG nih le rulh a ṭul hrih lo ti`n thu an suah tikah ralhraang kut ih sumsaw lut ding cu rem kan ti lo hrimhrim” tiah Mizzima hnen ah a sim.

Kawlram fangbawmpi tiih kohmi Ayeyarwady ramṭhen cu rampumhuap fang suak tambiknak hmunram pakhat a siih, tuvekin Lo tuah pawl harsatnak an tong vivo cun rampumhuap eibarnak tiang a khawngban thei tiah ruah a si.

Leave a Reply

Your email address will not be published. Required fields are marked *