Lamziin lailak ah SAC ralkap CiilNuai an tuar

Kachin ramṭhen, Bhamo khua ihsin ဒေါ့ဖုန်းယာန် lam pan ih feh mi SAC ralkap mawṭaw 21 cu April 15 zaanlam nazi 3 hrawng ah KIA ralkap in Lamziin lailak in an rak ciilnuai tiah theih a si.

Ralkap mawṭaw 6 cu an siatsuah fel ih cuih mawṭaw totu ralkap zate deuh thaw in an thi tiah Kachin media ṭhenkhat in an tarlang.

SAC ralkap pawl cu KIA do dingin tubaite ah Bhamo khua ih thlengpek an si ih raldo nakah minung thazaang belh an tum lai ah KIA ralkap in lamziin lailak in an rak ciilnuai mi a si.

KIA ralkap ih rak siatsuahmi SAC ralkap mawṭaw pakhat ah amalbik ralkap 25 an phur tiah theih a si ih KIA in mawṭaw 6 cu an siatsuah fel nan mithi ziangzet an um ti cu thufelfai a suak lo.

Thuhla thei ciang tu pawl ih sim vek a si le KIA kut tuar SAC ralkap pawl cu an sung zomi Alaw Bum la sal tum pawl an si tiah an sim.

Leave a Reply

Your email address will not be published. Required fields are marked *