Kyat Ting 400 zik Eiruk ti`n Kayah ramkulh Chief Minister hnaṭuan in Cawlhter

Kayah ramkulh Chief Minister Alphaw Shu cu eiruk thuthawn pehparin Hluttaw lungkimnak thawn hnaṭuan in an cawlhter tiah theih a si.

CM hnaṭuan cawhter ding maw, dinglo thuhla ah Hluttaw palai mipum 20 meeting an nei ih minung 16 lungkimnak thawn an suah mi a si.

Kayah ramkulh CM Alphaw Shu cun rampi budget sungin a mai` bulpak poihai ah kyat ting 400 zik le NLD party hrangah kyat ting 13 luan a hmang ti`n ramkulh စာရင်းစစ် zung in thuthang an suah.

Cumi paisa pawl cu thlatin NLD party meeting tuahnak, Baiknak puai zungpit tikih a hnaṭuan pawl laksawng peknak, mithmai ngah dingin bawi upa tlawnnak, NLD bawi upa sungkhat unau mopuai ih laksawng peknak pawl ah a hmang tiah Myanmar Now cun a tarlang.

Chief Minister lole Minister pawl hi hluttaw palai pawl ih lungkimnak thawn hnaṭuan in suah a theih tin 2008 daan hrampi ah a um ih, a tu, Kayah CM Alphaw Shu hi NLD cozah san ah a hmaisabiknak hluttaw palai pawl ih lungkimnak thawn an suah mi Chief Minister a si.

Leave a Reply

Your email address will not be published. Required fields are marked *