Kuva Dawr ah Boom pahnih An Sar, Khuasung Mipi Thinphang
Rakhine ramkulh Ponnagyun (ပုဏ္ဏားကျွန်းမြို့) ih kuva dawr ah boom pahnih thlai mi a um ruangah khuasung mipi an thinphang zet.
Tuzing September 14 ih hmuhsuak mi a siih Yangon-Sittwe ziinpikap kuva dawr ah hri aire thawn an thlai.
“Khua mi pawl in tuzing ah an hmu ih zoi` ret mi ti khal an thei lo” tiah Ponnagyun hluttaw palai U Oo Thun Maung in a sim ih “Pee 1 hrawng sau mi meithaltum cerek a siih khua mi pawl in a puak pang ding an phang zet” a ti.
Veng Uktu in khuasung ralkap le ṭuanvo nei zung lam pawl ah thuthannak a nei zo nan Boom pahnih cu zaan lam tiang a um lai.
“Kuva dawr neitu cu nau an nei ih dawr an phit nak zarhkhat hrawng a rei zo. A puak pang ding kan phang zet ih zamrangten ra ṭhawn lohli seh la a duh um zet” tiah khawmi U Than Win cun a sim.
Kandungzarh hrawng ah thilri thiar phah in Ponnagyun ah ralkap an cangvai ih a tui` boom an hmuhnak kiangkap hrawng khal ah nasaten an duty tiah khuasung mipi in an sim.
BBC
