Kutdawh nauhak Bawmnak pek lo dingin Mandalay Siipin in Tlangthannak nei

Mandalay Siipin Committee cun Inn le Lo neilo, Khuasung ih vakvai kutdawh nauhak pawl cu bawmnak a hlu pek lo dingin mipi hnen ah tlangthannak a nei.

November 21 ah Inn le Lo neilo, lamziin ih vakvai kutdawh nauhak pakhat cu lamziin kap ah thi cia in a ruak an sar ih Siizung ah a ruak zohciannak an nei lai ah a taksa par ah Covid 19 nat an hmu a si.

Curuangah kutdawh nauhak dang khal in Covid 19 nat nei thei dinhmun an si ruangah tuvekin kutdawh nauhak bawmnak ahlu pek lo dingin tlangthannak an nei mi a si.

“Covid 19 nat a karhzai ciamco ding kan phan ruangah ralring ten um cio dingin mipi hnen ah kan theihter mi a si. Mipi theihter a ṭul rori tikhalin kan ruat ih hmalakdanding cu timlamnak kan nei hran hrih lo” ti`n Mandalay Siipin ṭuanvonei U Hlah Myo in a sim.

November 22, Facebook ih tlangthannak an nei mi ahcun “Khuasung ziinpi ih vakvai kutdawh nauhak, pangpar, hmuk zuar vek phungpha ih um aw ter nauhak pawl hnen ihsin Covid 19 nat a karhzai thei ruangah an zuar mi thilri leilo dingin le a hlu pek lo dingin zangfah kan lo dil” ti`n an tarlang.

Wikipedia ih ngan mi vek a si le Mandalay Region ah Covid 19 mina 1841 le mithi 7 an um zo a si.

Leave a Reply

Your email address will not be published. Required fields are marked *