Kiangkap Venghnen zar ah Kaihkhih a luat phah

Sagaing ramṭhen, Computer thiamsang pawlkom hotu U Zaw Thurein Htun cu sunlai padir rori ah thuhla mumal um lo in mi pahnih in kaihkhih an tum.

Innhmai thingkung hnuai ih phone zoh phah in a to lai cu pangai thuamhnaw hruh mipahnih in a keh lam le vorh lam in an zon ih Lei ah an hnuk thluk. An nuaiaw laifang cu CCTV in a zuk ngah ih kiangkap venghnen le a innsang pawl in an va run thei ruangah kaihkhih a luat.

U Zaw Thurein Htun cun “ziangruangah in ra kai tum ti khal ka thei lo. Ralkap uknak dodal in duhphorhnak ah ka tel ruangah si men thei” tiah BBC hnen ah a sim ih “atu ahcun hmun him nakah ka beu” a ti.

U Zaw Thurein Htun cu a tufang ah Sagaing ramṭhen ih Computer thiamsang pawlkom Chairman a si. Kum 2015 ih nehnak co Sagaing cozah hluttaw zung, cozah zung pawl ah alak in computer a rak zirh dah ih Monywa khua khalah NLD cozah ṭuanvonei dinhmun in hna a rak ṭuan dah tiah DVB in a tarlang.

Leave a Reply

Your email address will not be published. Required fields are marked *