Khuate ih Umhmun khuar tumtu Ralhraang ralkap pawl cilnuai tuar

May 12, Sagaing ramṭhen, Yinmapin peng ah PDF pawlkom 6 ṭangkop pawl le ralhraang ralkap voi 2 an do aw.

Yinmapin peng, Theekone khua lam pantu ralhraang thazaang 100 hrawng thawn sun nazi 12 hrawngah an kap aw tiah KLG PDF ṭuanvonei mipakhat cun a rel.

“Sunpadir ah a si. PDF ṭangkop pawl thawn lamlak ihsin kan rak kap ih, Kyuntaw khua lam ah umhmun an khuar tum lai ah kan kap bet. Umhmun khuar cu simlo Ui-voktlan in an tlanhlo thluh” tiah amahcun a ti.

Doawknak ah ralhraang SAC ralkap an thi tam ding zum a um nan tuizing lam khalah doawknak a um peh ruangah thuhla felfai theihsuak a si hrih lo.

“Tuni, May 13 khalah doawknak a um ih ralhraang ralkap in ShewTawOo lam ihsin ralthuamtum thawn in kap” ti`n amahcun a relbet hrih ih PDF lam dinhmun cu a sim tel lo.

Doawknak ah KLG PDF, Dragon Brothers Task Force-DBTF, Yoma Fighter(Yinmarbin PDF), BO Thurain-Yinmabin PDF, Spring Gurellia Platoon(နွေဦးပျောက်ကြားတပ်စု) le Yinmapin hrambun ralkap ṭangrual pawl an tel tiah theih a si.

Leave a Reply

Your email address will not be published. Required fields are marked *