Khuasung rori ah Hriamkai pawl mah le mah kapaw (+VIDEO)

Thlanglam Shan ram, Yatsauk peng, Kyaukgu khawsung ah hriamkai RCSS/SSA le SSPP/SSA cu nasa zetin ni 2 rori an kap aw zo.

“Tuizing nazi 11 hrawngah Kyaukgu khawleng Thlanmual kiang ah an kapaw thok. Neta hnu ah khawsung lam an ra neih vivo ih khawmi pawl cu thinphang in kan relh hlo thluh” tiah tualsungum mipakhat cun Shan News hnen ah a sim.

Mizaan, February 8 khalah an kapaw zo ih, tuni doawknak cu mizaan hnakin a nasa sawn tiah amahcun a rel bet.

“Mizaan kapawk nakah biakinn telin inn į¹­henkhat a siat. Tuini kapawknak khalah meithaltum zian tlakmi cun palikzung kiangih innpi pakhat a ti kaang. Tu khalah SSPP/ SSA ralkap pawl khawsung ah an um” a ti.

Doawk naksan le mithi/hriamtuar ziangzet an um tivek cu theih fiang a si lo ih, khawmi į¹­henkhat cun tuhlan vekin hmunram cuhawk ah an kapaw mi a si thei tiah an rel.

Tlangpar hriamkai pawl mah le mah kapaw ruangah Yatsauk peng Kenghkam khua ah ralkian 400 lenglo an beu tiah theih a si.

Leave a Reply

Your email address will not be published. Required fields are marked *