Khua ṭhenkhat ah Tikhu Mero vek a zaam ciamco cu SAC Ralhraang rinhlehtu an tam

July 17 zaan ah Yangon ramṭhen, myone ṭhenkhat ah tikhu mero vek niam zetin a zaam nasa cu SAC ralhraang rinhlehtu an tam.

A hmutu pawl cun drone vanzam fate a zam hnu ah tikhu mero vek a zaam mi a si tiah an sim ih thilkhu zaam nak veng pawl cu ralring dingin mipi lakah simthanawknak an nei.

“Tuvek boruak ah mero cu a si thei lo. Niam tuk rorin a zaam. Cun, drone vanzam fate a hmutu an um bet tikah thin a nuam lo zet. Thlisia, natsia tivek an thlah hrim si pei maw titiang kan ruat” tiah Tamwe myone ih um mipkahat cun a rel.

Atufang kan ram boruak thawn hivek thilthleng a um tikah ruah ding tampi a suakter tiah Mingalar Taung Nyunt Township ih um mipakhat khalin a rel ih “miṭhenkhat cun Covid dokhamnak hrangah Sii an kap mi a si thei tiah an rel. Nan, cumicu thil cangthei a si lo tiah ka ruat.”

“Asancu hmaikhuh, Sii le Vai malte an hlu men hman ah MWD le MRTV ah an ti lang. Covid dokhamnak hrangih tuahmi sibang sehla cu an tuah hlan ihsin thuthang ah an suah ding. TV ah an thlah ding. Curuangah Covid dokhamnak Sii cu a si thei lo. Cuhnakcun natsia an ti darh tihman zum a tlak sawn” a ti.

Yangon myone dang pawl khalah tikhu mero vek a zaam cun inn leng suak lo dingin le sangka khar thluh dingin mipi lakah simthanawknak an nei tiah theih a si.

Leave a Reply

Your email address will not be published. Required fields are marked *