KBZ vanzam cangsual dingin an tawk sak nan tluangten a ṭum suak thei

Vanzam thar siat ding ih rak tawk hrim tu an um ih a neitu Kanbawza Airline cun a tawktu hawl suak dingin a tu ah zingzoinak an nei rero lai tiah thuthang a suak.

Kandung zarh lam ih thilthleng si`n tarlang a si ih KBZ airline ATR72-600 vanzam thar ih air speed sensor “Pitot tubes” sungah zo a si ti thei lo mi in thinghnah, thingro le thingṭek tvk pawl an rak thun tiah an tarlang.

Pitot tubes cu Vanzam ṭum/kaiso/zam tikih Thli tha theitheih nakih hman mi a si ih cumi sungih thil an thun cu a zam tikah tla seh ti an duh ruangah tumtah nei in an thun mi a si ding tiah zumnak a um.

Pitot tubes ah thil an hrawh cingin hmuhtonmi tamzet neizotu vanzam mawngtu cun siatralnak zianghman suak lo ten a ṭumpi thei tiah TRN in thu a suah.

Himi thuthang thawn pehpar in ruahdan phunphun a suak ih tumtah nei in thuthang diklo an suah hrim siding a titu khal an um a si.

Leave a Reply

Your email address will not be published. Required fields are marked *