Thantlang khuasung ah Nauhak kum 10 mi an kap that ngah

Tuini, August 25 ah Thantlang khuasung ah kahdonak a suak ih nauhak pakhat meithal hriam tuar in a thi tiah theih a si.

Chinram hrambun media ṭhenkhat cun Thantlang palik zung kiangah kahdonak a suak tiah an tarlang ih, innsung ih relh kum 10 mi Van Bawi Thang cu a hngawng ah cerek in a ngah ih a nunnak a cem hi a si.

“Meithal thawm a ring zet. Zopawl an kapaw ti cu kan thei fiang lo. Inn ih um men kah that ngah mi le hriam tuar amalbik 2 an um ti cu kan thei” tiah Thantlang khuasung ih um mi pakhat in a rel.

Internet cahmai ih video tawi suak mi khalah Meithal puak thawm theitheih a si ih video zuktu cun innleng suak lo dingin kaingkap pawl a auh phah hai.

Himi ca kan ngan tiang ahcun zozo an kapaw timi siseh hriamtuar le mithi dang an um le um lo thufelfai a suak hrih lo.

Leave a Reply

Your email address will not be published. Required fields are marked *