Kayah CM hlun khal Meithal a kai thok zo

Kayah ramkulh Chief Minister hlun U L Phuang Sho (အယ်ဖောင်းရှို) cu ralkap ukhruainak do dingin meithal a kai ve zo tiah theih a si.

“SAC ralhraang cu mai` neih tawk hriamhrei thawn do dingin thuthluknak ka tuah zo. Dothlengnak ah ka thi khalle sullam nei mi a si sawng ding” tiah Kayah CM hlun U L Phuang Sho cun DVB hnen ah a sim.

Amah cu kum 4 sung (2016-2020) Kayah ramkulh 2nd Chief Minister rak ṭuantu a si ih culai ah kum 37 lawng si lai in rampumhuap CM ṭuantu lakih kum nobik a rak si.

2020 rampi hrilawk hlan ah Kayah hluttaw budget thu thawn pehpar in CM ihsin colhter a rak si nan 2020 hrilawknak ah NLD party ihsin MP ah a rak tling sal a si.

SAC ralhraang in 2021, February 1 ih kumpi cozah thuneihnak an la hnu, thla tawkmawi rei hnu ah ralkap ukhruainak do dingin hrimhrei kengin pum a peaw a si.

2021 Dothlennak ah MP tlingmi le CM ṭuantu sung ihsin hramlak ah feh ih meithal kai hmasabik cu U L Phuang Sho hi a si.

Leave a Reply

Your email address will not be published. Required fields are marked *