Kayah ramkulh cozah ṭuanvonei Hmin ngan aw mi rinhleh um Parcel an hmu

Kayah ramkulh cozah ṭuanvonei ပြည်နယ်အတွင်းရေးမှူး U An Maw hmin ngan aw mi parcel cu rinhleh a um deuh ruangah Loikaw ahmat 903 special ralkap (Army Corps of Engineers) in zohciannak an nei.

Yangon ihsin kuat mi U An Maw hmin ngan aw mi parcel cu a inn ah November 9 zaanlam ah a thleng ih U An Maw ih cah mi a si lo ruangah palik hnen ah an sim thei lohli.

Palik in zohciannak an nei ih rinhleh a um tiih an ruah ve ruangah leiphum bomb hawlthiam special ralkap an ko hnu ah parcel cu an ong.

Asungah wifi-tp-link cet, sony mic 2, T2F Amplifier 1, T2F soundbox 2, Golden Flend System bur 1 le Handgel bur 50 tel mi bur pakhat an hmu a si.

A kuat tu zo a si timi an thei lo ruangah pacel sung ih hmuhsuah mi thilri pawl cu ṭuanvoneitu pawl in zung lam ah an ret ṭha tiah dvb in a ngan asi.

Leave a Reply

Your email address will not be published. Required fields are marked *