Kawl Ralkap pawl i Tumtahmi – Pu Ngun Thawng

2008 daanhrampi hmang thotho in hril awknak tuah (Kumkhat an ti nan thlaruk voi hnih bet theih asi ruangah kum 2 asi thei, cumi ṭhehin thla 6 sungah tuah ding ti asi ruangah kumhnih le hrek a rei ding)

Hrilawknak commission daan thleng (FPTP daan hmanmi hi PR daan i thleng, PR timi cu party vote asi i vote ngahzat in MP co asi. 2015 hrilawknakah NLD in vote 12 million USDP in vote 5 million an ngah ruangah NLD in MP 12 an ngah le USDP in MP 5 an ngah dingih USDP in 26% an ngah thei ding ruangah 25+26=51 an ngah dingih anmah cozah kumkhua an si ringring theinak asi)

Rampihuap cangvai thei party hi USDP asi i ralkap in a dang Kawl party hupphurhmi an neilo. Curuangah NLD cangvai thei loih tuah an tumnak asi. Cucu anmai duhmi party nehtir ringring tumtah asi.

2008 daanhrampi tuah tum lai ah NLD in daanhrampi tuahmi an nei ve. Cumi ah CM hi mahte hrilawk asi dingih vuanzi pawl hman hi CM in amah thawn ṭuan tlang dingah MP sungin a hril ding ti asi. Parliament daan rori asi. Pi Aung San Suu Kyi in a tumtahmi a relmi cu unit tinten thil tithei nak power neih cio ding ti asi i federal rori asi.

2008 buai lai ah caan tawite sung tamadah rak ṭuantu U Sein Lwin in mi 50000 kan kap that dingih an bokvakin kan kebeu ah an ra kun mai ding ati. Tu khal a nini’n an sual deuhdeuh ding. Aanaasin hmuahhmuah hi an sun an cem tiang an ṭang ringring. Mipi ṭanrual ahcun a netnakah mipi’n an neh thotho.

Ralkap cozah ti’n pompitu ram an umlo. Tuiṭum neh rori a ṭul. Federal daanhrampi neih a ṭul. Ramsungih mipi cangvaihnakah CDM a thupi tuk.

Leave a Reply

Your email address will not be published. Required fields are marked *