Kawl ralkap ṭih in an relh lai ah an khua inn 30 bohtuar

Rakhine ramkulh, YaThehtTaung, ChiyaDaw khua ih raltlan pawl cu an umlo sungah zo a si ti, theilomi pawl in Inn 30 lai an rak bohsak ih an neihsun thilri pawl khal an fir sak tiah theih a si.

June 29 ah an umnak lam pan in kawl ralkap pawl an ra ti an theih veten relh dingin hmundang ah an tlan thluh ih, July 3 ah an umnak khua ah an tlungsal hnu ah an inn bohsakmi cu an hmusuak a si.

An khua ah inn 40 hrawng a um ih mipum 300 hrawng an si. Kawl ralkap ṭih ih an relh laiah an thuamhnaw, puan, phone, ei le inding, le sui zunghruk, sui ṭhi le thilman khung tamzet an fir sakmi a si.

Khawsung ih dawr neitu Daw SanSanOo dawrkhan khal an boh ih Ting 20 man thilri in fir sak tiin dawr neitu cun a sim.

Ralkap pawl an khawsung an lut laiih hmundang tlan ve lo tu pakhat cun “Khau ah ka um. Ahlan an ra khalah ka tlan dahlo. Mizaan ah ralbawi pakhat in, inko ih hmundang ah in feh pi. Zaanlam nazi 1 hrawng a siih hmun dang ih in fehpi sungah ralkap pawl cu innsung ah lut tahratin thilri pawl an cawkletṭheh hnu ah an duhmi an lak a si” tiin khawsung um hmin phuang duhlo mi pakhat cun a sim.

Khua mi pawl in ralkap pawl an rinhlehnak cu a neihbik palikaung ah report theih a si tiin တပ်မတော်သတင်းမှန်ပြန်ကြားရေးမှ ဒုတိယဥက္ကဋ္ဌ ဗိုလ်ချုပ်ထွန်းထွန်းညီ cun a sim.

ref:MyanmarNow

Leave a Reply

Your email address will not be published. Required fields are marked *