Kani peng dinhmun ṭha lo, A zaanzaan in khua suahsantu tam

Sagaing ramṭhen, Kani Myone ah SAC ralhraang in Vanzam thawn kap dingin thu a suah tiah thuthang a suak ruangah khuami tamzet cu a zaanzaan rorin himnak hawl in khua an suahsan.

Cuih tlun ah SAC ralhraang cun Kani Myone ah ralkap thazaang tamzet an kuat bet ti a si ih mipi cu thlaphang in an um.

Tuhrawng, Kani penghuap boruak a sosang zetih May 25 ih SAC ralhraang le PDF doawk ṭum ah khua 20 lenglo ih um mipi cun Inn le Lo suahsan in beunak an hawl.

PDF ih ṭuanvonei mipakhat cun “hmasa cu khua kiangkap ah an relh. Nan, tu ahcun hmunhla sin ah beunak hawl ṭul. May 25 ih kan doawk ṭum ah SAC ralhraang an tuar na ih ralkap thazaang thar an kuat bet hlei ah Vanzam thawn kap dingin thu an suah zo. Curuangah mipi cu a zaanzaan rorin beunak hawl in an tlan thluh” a ti.

SAC ralhraang an tuar na ruangah ralkap thazaang thar tamzet an kuat bet tiah khuami simtheinak thawngin thuhla felfai theihbelh a siih boruak a sosang sinsin ruangah Vanzam tiang hmangin mipi le PDF nuai an tum tiah khuami pakhat cun a sim.

Tuini doawknak khalah SAC ralhraang 10 luan an thi tiah theih a si ih ralhraang pawl cun meithal fate le tum ti um loin an neih hmuahhmuah suah in hmuh tamzet ah meithal an hmet puak a si. (STM)

Leave a Reply

Your email address will not be published. Required fields are marked *